Í tilefni dagsins

Fram, þjáðir menn í þúsund löndum,
sem þekkið skortsins glímutök!
Nú bárur frelsis brotna á ströndum,
boða kúgun ragnarök.
Fúnar stoðir burtu vér brjótum!
Bræður!  Fylkjum liði í dag -
Vér bárum fjötra en brátt nú hljótum
að byggja réttlátt þjóðfélag.
  þó að framtíð sé falin,
  grípum geirinn í hönd,
  því Internationalinn
  mun tengja strönd við strönd.

Vöðluskór

Við Máni erum að gera okkur klára fyrir Þingvöll á föstudaginn.  Hann mátaði vöðlurnar sem við gáfum honum fyrir tæpu ári.  Fundum þær á rýmingarsölu þegar Veiðimanninum var lokað sl. haust.  Þá voru vöðluskórnir eins og skíði á honum.  Tókum þá vel rúma á hann.  Á þessum mánuðum sem liðnir eru hafa fæturnir stækkað furðulega mikið og jaðrar við að þeir séu orðnir of litlir... vona að þeir dugi sumarið.

Meira hvað tognar úr guttanum.

 

Bloggarar í uppáhaldi

Margir bloggarar eru í uppáhaldi hjá mér.  Suma kíki ég á daglega aðra sjaldnar.  Suma þekki ég persónulega aðra ekki neitt.  Suma "bögga" ég reglulega með athugasemdum aðra læt ég algjörlega í friði.  En svona lítur listinn út.

Lára Hanna Einarsdóttir
Að mínu mati skelleggasti bloggari landsins.  Kíki á hana mjög reglulega.  Þekki dömuna ekki neitt.

Gísli Ásgeirsson
Frábær bloggari.  Heldur einnig um taumana á Má Högnasyni, mannfýlu.   Reglulegt innlit til þeirra.  En þekki ekki neitt.

Andrés Skúlason
Djúpavogsbúi. Hefur skemmtilega sýn á hlutina.  Eðal bloggari sem ég kíki á oft.  Uppgötvaði hann hjá Ingþóri. Þekki hann ekkert.

Nanna Rögnvaldardóttir
Hef verið aðdáandi hennar í mörg ár.  Bloggið hennar er allt í senn, persónulegt, lokað, opið en um fram allt skemmtilegt blogg.  Kíki á á hana reglulega.  Kynnist henni aðeins þegar ég vann hjá RJC og hún vann hjá Gestgjafanum.

Ingþór Sigurðarson
Get talið hann til vina minna og er stoltur af því.  Búsettur í Noregi og segir skemmtilegar sögur af lífi sínu þar.  Svo er hann giftur Ollu frænku.

Jónas Egilsson
Svili minn.  Er alls ekki sammála honum í pólitík og fær hann reglulega að kenna á því í þeim athugasemdum sem ég bauna á bloggið hans.  Er reglulegur gestur á því.

Nebúkadnesar Nebúkadnesarsson
Önnur sýn á aðra hlut.  Hef gaman að kíkja á hann annað slagið.

Dr. Gunni
Hver kíkir ekki á Doktorinn.  Hann er örugglega mest lesni bloggari landsins.  Hefur haldið úti bloggi síðan 2001.  Þekki hann ekki neitt, hitt hann einu sinni á ættarmóti.

Birgitta Sigurðardóttir
Systir Ingþórs.  Virkilega skemmtilegt blogg um lífið og tilveru tvíbura... Er gift veiðimanni.  Það er plús fyrir hana.

Karl Hreiðarsson
Skarpur og skemmtilegur bloggari sem gerir allt of lítið af því að blogga.  Vinnufélagi minn og mikill framsóknarmaður.  Ef einhver hefur verið við það að sjanghæja mig í framsókn þá er það hann og Snæþór Halldórsson.

Arnlaugur Helgason
Einhver jákvæðasti maður sem ég þekki.  Vann með honum hjá RJC á sínum tíma.  Alltaf í góðu skapi og veiðimaður mikill.  Kíki á á hann reglulega, sérstaklega þegar mig langar að heyra eitthvað jákvætt, eða skemmtilegt nöldur.

Hugljúf, Hulla, Dan Jensen
Skólasystir mín úr Reykjanesi.  Hef ekki hitt hana síðan þá.  En í minningunni er hún bara ljúf og góð og skemmtilegur penni.  Hef grátið úr hlátri yfir blogginu hennar.

Þessa bloggara skoða ég, ásamt öðrum sem ég kiki minna á.

Tölur á miðnætti

Það stefnir í spennandi kosninganótt.  Útstrikaðir kjörseðlar eru víst teknir frá og verða taldir síðast.  Það breytir væntanlega töluvert þeim upplýsingum sem við erum með núna. 

Borgarahreyfingin er sigurvegari kosninganna, miðað við stöðuna í dag

Eurovision 2009

Kjósum Vinstrihreyfinguna grænt framboð

  

Styttist í Þingvöll

Ég hef farið í bólið með Laxnesi síðustu kvöld.  Er að gæla við Vefarann mikla frá Kasmír þessa dagana.  Barn náttúrunnar þar á undan og Heiman ég fór á undan henni.  Fyrir löngu las ég eitthvað eftir Skáldið.  Ekki mikið, viðurkenni það.  Hef lengi ætlað að bæta mér það upp.  Það kom að því.

Við Máni höfum aðeins skroppið upp að Vífilsstaðavatni.  Rétt til að berja aðeins á því.  Hann stefnir á að fá sér flugustöng sem fyrst.  Næsta föstudag, 1. maí, stefnum við á að fara upp á Þingvöll og reyna okkur þar strax fyrsta daginn.  Það er mikil tilhlökkun í okkur.

Máni Þór á Þingvöllum

Takk fyrir - en nei takk

Mér finnst ömurlegt hvernig sjálfstæðisFLokkurinn lítur á íbúðalýðræði.  Rósa Guðbjartsdóttir, sem skipar 6. sæti Kraganum fyrir FLokkinn segir eftirfarandi í bæklingi sem var í póstkassanum í gær.

Þannig sé Hafnfirðingum í fersku minni klúðrið í kringum uppbyggingu álversins í Straumsvík fyrir tveim árum þegar fyrirhuguð stækkun var sett í íbúakosningu.

Ég spyr hvaða klúður var þarna í gangi, annað en það að íbúar fengu að segja sinn hug?

Ég bara varð

New world in the morning

 Everybody talks about a new world in the morning.
A new world in the morning so they say.
I, myself don't talk about a new world in the morning.
A new world in the morning, that's today.

And I can feel a new tomorrow comin' on.
And I don't know why I have to make a song.
Everybody talks a bout a new world in the morning.
New world in the morning takes so long.

I met a man who had a dream he had since he was twenty.
I met that man when he was eighty-one.
He said too many people just stand and wait up til the mornin',
Don't they know tomorrow never comes.

And he would feel a new tomorrow coming on.
And when he'd smile his eyes would twinkle up in thought.
Everybody talks about a new world in the morning.
New world in the morning takes so long.

And I can feel a new tomorrow coming on.
And I don't know why I have to make a song.
Everybody talks about a new world in the morning.
New world in the morning takes so long.

Roger Whitteker

Þennan snilling var hlustað á í ferðalögum með mömmu og pabba í gamaldaga.

Ég er enn aðdáandi númer eitt.