Ammæli

Til hamingju með daginn Kristín Helga.

Helgi á enda

Þetta er búið að vera ljúf helgi.  Í gær fengum við slatta af fólki í dögurð, sem heitir víst brunch á útlenskunni.  Það var frábært.  Vorum líka með forskot á bolludaginn.  Það var sem sagt etið. 

Í dag var Helgafellið lagt undir fót, fjórða skiptið á einni viku.  Víkingur og Júlía fjölmenntu með mér.  Þetta var fínasta ganga hjá okkur.  Spjölluðum mikið á bakaleiðinni. 

Annars bara leti og aftur leti. 

Ný vika framunda.  Frábært.

Grant Burge Filsell Old Vine Shiraz 2003

Eitt af mínum áhugamálum er vínsmökkun.  Ég lærði til þjóns á sínum tíma og um leið lærði ég að meta góð vín.  Meistarinn minn, Þorfinnur Guttormsson, Toffi, var duglegur við að útskýra fyrir mér hitt og þetta um vín og smátt og smátt fór maður að smjatta á vínum, og njóta þeirra.  Einnig fékk ég ágætis yfirhalningu frá einum kennara mínum í HVÍ, Friðjóni Árnasyni.

Í nokkur ár starfaði ég svo sem sölumaður vína og ýtti það vel undir áhugann.  Á þeim tíma smakkaði ég helling af vínum, vel flest með félaga mínum Birki Elmarssyni, þeim ágæta bragðlauk.

Í dag er maður óttalegur amatör, en áhuginn og þekkingin er til staðar, kannski bara örlítið dýpra á því en hér áður.

Ég var að velta því fyrir mér að setja hér á bloggið mitt þau vín sem ég smakka.  Víndagbók.  Hún verður frekar rýr í roðinu - en vonandi lauma ég við og við einu og einu víni.

Grat Burge Filsell Old Vine Shiraz 2003

Góð vín eru eins og góð saga, maður fær seint nóg.  Grant Burge Filsell Old Vine Shiraz er slíkt. 

Ég smakkaði það fyrst fyrir um átta árum.  Ég kolféll fyrir því þá og er enn bálskotinn í því.  Í kvöld smakkaði ég á 2003 árganginn. 

Vínið er þokkalega stórt, opið með mikinn en mjúkan, sultaðan ávöxt.  Svartur pipar og vanilla voru frekar ráðandi og þroskaður ávöxturinn var ljúfur.  Tanninið var mjúkt og vínið sýndi alla sínar bestu hliðar.

Þetta er vín til að hafa með bragðmiklu kjöti jafnvel grilluðu.

Frábært vín, kosar innan við 2000 kallinn.

Launakröfur kennara

Kennarar eru örgglega ekki öfundsveriðr af hlutskipti sínu.  Þó vinna þeirra sé án efa gefandi og mikilvæg er hún erfið og það er ekki hver sem er sem getur tekist á við kennslu svo vel sé.  Því er ekki spurning í mínum huga að þeir eigi að vera með mannsæmandi laun.  Hver svo sem þau eru.

En það er eitt sem pirrar mig dálítið.  Það er endalaust verið að tína til vinnutíma og réttlæta alla skapaða hluti þannig.  Í bæklingi sem barst inn um lúguna hjá okkur er sýnt hvað kennarar vinna mikið.  Meira að segja er vinnuvikan sett upp svo allir geti nú séð að kennarar vinni.  Frímínútur og lögbundnir kaffitímar (samtlas 5,72 klst. á viku) er einnig talið fram sem vinnustundir.

Á móti mætti segja:
Í hverju ári eru 52 vikur.  Í hverri viku er helgi, 2 dagar, samtals 104 dagar á ári.  Vinnuskylda kennara er frá lok ágúst til byrjun júni, sem þýðir að ekki er unnið júní, júlí og ágúst.  Samtals 90 dagar.  Miðað við bæklinginn fyrrgreindan eru frímínútur og lögbundnir kaffitímar um 23 klukkustundir á mánuði, eða um 26 dagar á ári.   Nú í jólafrí fara 14 dagar og páskafrí 10 dagar.  Ýmsir frídagar svo sem 1. maí, 17. júní og þessháttar 10 dagar.  Veikindi 10 dagar, veikindi barna 10 dagar á ári.   Samtals gerir þetta því 264 daga á ári.  Við drögum þá frá 365 dögum og fáum út að kennarar vinna 91 dag á ári takk fyrir.

Ég veit að það er fáranlegt að setja þetta svona upp.   Og þetta stennst ekki neina skoðun.  En mér finnst líka hálf fáránlegt að fá sendan bækling heim um vinnutíma kennara.

Launakröfur þeirra eiga ekki að snúast um einhverjar mínútur.  Ég vona og veit, að þeir eru að vinna sín störf að jafn miklum metnaði og aðrir.  Ég ber virðingu fyrir þeim og þeirra störfum og styð þá heilshugar í baráttunni um sín kjör.  En það hljóta að vera til beittari vopn í vopnabúrinu hjá þeim en þessi bælkingur og hótanir um verkföll.

Hvað viljið þið gera?

Það getur ekki verið annað en réttmæt krafa okkar sem búum í Hafnarfirið að fá að vita hver afstaða allra bæjarfulltrúa er varðandi stækkunina í Straumsvík.  Eða er það einkamál hvers og eins? 

 

Vilja fá að vita hver afstaða fulltrúa Samfylkingar er til stækkunarinnar

Yfirgangur

Hvernig getur þetta gerst.  Ætt af stað án þess að leyfi liggi fyrir.  Frekja og yfirgangur af verstu sort.  Hvað ef leyfið fæst ekki?

 

Framkvæmdir stöðvaðar við vatnsleiðslulögn í Heiðmörk

Alveg þess virði að skoða

Hrasaði um þennan link:

http://www.bushflash.com/thanks.html

Neðri hluti Þjórsár

Þetta skiptir okkur öll máli.  Ef skrefið verður stigið verður ekki farið til baka.  Okkur ber að sýna landinu virðingu.  Vonandi heyrist rödd fólksins.

 

Troðfullt í Árnesi á fundi gegn virkjunum neðri hluta Þjórsár

Matarverð

Ég var að velta því fyrir mér hvers vegna Bónus sættir sig við að 27 króna álagningu á hvert kíló af dönskum kjúklingabringum en finnst ekki nóg að leggja 130 krónur á hvert kíló af íslenskum kjúklingabringum.  Ég reikna þó með að íslenska varan sé keyrð í hverja verslun af framleiðanda, án kostnaðar fyrir Bónus.  Pæling.

Hvítlauksolían slapp fyrir horn

Á föstudögum lætur maður annað slagið eftir sér skyndimat.  Sem oftar en ekki veldur manni miklum vonbrigðum.  En sökum leti þá eigum við til að láta freistast.  Í kvöld smelltum við okkur á pizzu frá Papínós.  Hörmung.  Hún var bragðlaus, lítið bökuð og hreinlega vond.  Get ekki mælt með þessu við nokkurn mann.  Hvítlauksolína slapp fyrir horn.