Þegar menn taka sig of hátíðlega verður útkoman oftar en ekki þess eðils að niðurstöður allra samanlagðra kannanna verða ekki að neinu

Mikið afskaplega er maður búinn að hafa það gott þessa daga.  Afslöppun, rólegheit, góður matur og ég veit ekki hvað.

Í gær vorum við með saltfiskrétt að hætti Portúgala að nafni Bras.  Ég veit reyndar ekki nánari deili á þeim ágæta manni, en rétturinn smakkaðist sem aldrei fyrr.  Með þessu drukkum við argentískt rauðvín frá Norton.  Cabernet Sauvignon Reserve.  Þokkalegur bolti sem var reyndar full stór fyrir saltfiskinn.  En engu að síður áhugaverð samsetning.

Í kvöld var bara einaldur pastaréttur með skinku, brokkólí og ostasósu.  Suður Ástralskt rauðvín frá Grant Burge, Benchmark Shiras, flaut með.  Alveg dæmigerður Shiraz frá þessu svæði.  Bragðmikill, kryddaður og örlítið sætur og alveg ágætur.

Við Máni skelltum okkur á geisladiskamarkaðinn í Perlunni í morgun.  Hann fann sér tvo diska með uppáhaldinu, Iron Maiden.  Mig langaði í einhverja diska með Queen en ekkert til af þeim.  Þeir koma vonandi í næstu viku.  Það flaut einn ABBA diskur með.  Okkur til ánægju.

Á morgun, páskadag, eigum við vona á mömmu og Hlyn í páskalambið.