Grant Burge Filsell Old Vine Shiraz 2003

Eitt af mínum áhugamálum er vínsmökkun.  Ég lærði til þjóns á sínum tíma og um leið lærði ég að meta góð vín.  Meistarinn minn, Þorfinnur Guttormsson, Toffi, var duglegur við að útskýra fyrir mér hitt og þetta um vín og smátt og smátt fór maður að smjatta á vínum, og njóta þeirra.  Einnig fékk ég ágætis yfirhalningu frá einum kennara mínum í HVÍ, Friðjóni Árnasyni.

Í nokkur ár starfaði ég svo sem sölumaður vína og ýtti það vel undir áhugann.  Á þeim tíma smakkaði ég helling af vínum, vel flest með félaga mínum Birki Elmarssyni, þeim ágæta bragðlauk.

Í dag er maður óttalegur amatör, en áhuginn og þekkingin er til staðar, kannski bara örlítið dýpra á því en hér áður.

Ég var að velta því fyrir mér að setja hér á bloggið mitt þau vín sem ég smakka.  Víndagbók.  Hún verður frekar rýr í roðinu - en vonandi lauma ég við og við einu og einu víni.

Grat Burge Filsell Old Vine Shiraz 2003

Góð vín eru eins og góð saga, maður fær seint nóg.  Grant Burge Filsell Old Vine Shiraz er slíkt. 

Ég smakkaði það fyrst fyrir um átta árum.  Ég kolféll fyrir því þá og er enn bálskotinn í því.  Í kvöld smakkaði ég á 2003 árganginn. 

Vínið er þokkalega stórt, opið með mikinn en mjúkan, sultaðan ávöxt.  Svartur pipar og vanilla voru frekar ráðandi og þroskaður ávöxturinn var ljúfur.  Tanninið var mjúkt og vínið sýndi alla sínar bestu hliðar.

Þetta er vín til að hafa með bragðmiklu kjöti jafnvel grilluðu.

Frábært vín, kosar innan við 2000 kallinn.

Athugasemdir

[kleinur kristjáns (IP-tala skráð) 18.2.2007 kl. 00:10]

hef örugglega drukkið einhverja lítra af því, og jú e.t.v með kjöti líka...