Bölvar og ragnar - bölv og ragn

Fátt er eins hressandi og almennilegt bölv.  Helvítis djöfulsins andskotans fávita sauðurinn þinn, notaði maður oft þegar maður vildi leggja áherslu á orð sín.  Oftar en ekki var lítil meining á bakvið þetta en þetta þótt ógurlega töff. 

Tinnabækurnar voru og eru góð uppspretta sæmilegasta bölvs.  Kolbeinn átti það til að súrra saman fagursköpuðu bölvi sem fylltu heilu myndarammana.  Þetta var svo magnað að maður fell nánast í stafi við það eitt að lesa ósköpin.   

Í dag er maður frekar hógvær í þessu öllu saman.  Eitt og eitt “fuck” læðist út úr manni ásamt “shit-i” annað slagið.  Ég hef ekki ekki náð að verða mikið svona erlendis í bölvi og þaðan af síður tekið upp á því að þýða útlenskt (enskt) blót yfir á ástkæra.  Þetta útlenska bölv, sem ég heyri, er í amrískum bíómyndum og þáttum.  Það er ósköp fátæklegt og einfalt.  Það samanstendur af þessu dæmigerða “fuck” og “shit” og er notað í óhófi, ásamt því að þau eru hnýtt við önnur orð svo sem, “holy“, “asshole” og svo framvegis.  Við það að snúa þessu yfir á íslenskuna missir þetta einhvernvegin allan brodd.  Heilagur kúkur hljómar ekkert sérlega vel hvað þá heilög serðing, þetta er bara asnalegt.   

Því miður virðist það vera að í stað þess að læra að bölva sæmilega á íslensku og gefa þannig orðum sínum aukna merkingu nota krakkar “fuck” og “shit” í tíma og ótíma ásamt því að ofnota orðið “semi”(hálf, lítið, smá) samanber að vera semi svangur, semi syfjaður nú eða semi góður í fótbolta.  Frekar dapurt. 

Shiturinn titturinn er eina samsetningin sem ég man eftir þar sem útlenska og íslenska er hnýtt saman.   Útlenska með íslenskum greini og íslensku endaorði.  Samt frekar semi dapurt einhvernvegin.

La Primavera

Við Kristín fórum á La Primavera á laugardaginn fyrir viku.   Gerðum þar sérlega vel við okkur í mat og drykk, annað ekki hægt þegar þegar okkur bauðst þetta tækifæri og ekki síður þá býður staðurinn upp á það að hafa það gott.

Í forrétt fékk Kristín sér Carpaccio.  Klassískur ítalskur forréttur sem alltaf stendur fyrir sínu.  Alveg frábær.  Ég fékk mér sterkkryddaða fiskisúpu.  Hún var alveg ágæt.  Gott bragð en þó fannst mér eins og það vantaði punktinn yfir i-ið.  Með þessu drukkum við Sauvignon blanc, Vie di Romans Vieris '05.   Ilmríkt og gott vín með þægilegu og góðu eftirbragði.  Það var ánægjulegt að okkur var boðið að hafa flöskuna hjá okkur á borðinu í stað þess að ofkæla vínið í kælifötu.

Í aðalrétt fengum við okkur bæði hreindýr með ofnbakaðri fíkju vafinni inní parmaskinku ásamt súkkulaði gorgonzola sósu.  Við vorum sammála um að valið var gott.  Kjötið hreinlega bráðnaði í munninum.  Villibráðarbragðið naut sín til fulls.   Sætur keimur fíkjunnar sem þó hafði léttsaltan kem skinkunnar tónaði vel við.  Ýtti svo undir alltsaman.  Við vorum flott á því og fengum okkur Isole e Olena Cepparello '03 með þessu.  Vínið stóð fyllilega undir væntingum.  Þétt og byggði vel undir matinn. 

Í eftirrétt fékk Kristín sér súkkulaðiköku en ég tiramizu.  Með því fengum við okkur Vin Santo frá Isole e Olena.  Dásemd.

Þetta kvöld var frábært.  Góður matur + góð vín + góð þjónusta = frábært. 

Jól í desember, svona til tilbreytingar

Þarft framtak.

Spurning um gjaldmiðilinn...

...ég veit svei mér ekki.

Áfangar

Kögur og Horn og Heljarvík
huga minn seiða löngum;
tætist hið salta sjávarbrim
sundur á grýttum töngum;
Hljóðabunga við Hrollaugsborg
herðir á stríðum söngum,
meðan sinn ólma organleik
ofviðrið heyr á Dröngum.

-Jón Helgason

Ef þú getur ekki hugsað þér það

... þá skaltu hugsa eitthvað annað.

Einvhersstaðar einhverntíma aftur.....

Ég minnist þess ekki, ég verð að segja það.  Ég hef áhyggjur af þessu.

Þetta á eftir að heyrast aftur, aftur og aftur.

Sparnaður

 

Ein hagfræðin, eða kannski réttara sagt, ein gerð sparnaðar er sú að kaupa ódýrari vöru í stað dýrari.  Það er alveg með ólíkindum hvað hægt er að spara með því einu.  Þannig hugsaði ég með mér þegar ég gekk út úr versluninni Mótorsí dag.  Þangað hafði ég farið til að láta mig dreyma um fagra fáka.  Harley Davidson.  Ég vissi þá að ég gæti ekki með neinum almennilegum rökum sannfært minn betri helming um slík kaup, því í fyrsta lagi var áhuginn á mótorhjólum að kvikna hjá mér núna þetta haustið.  Þó vissulega hefur hefur mótorhjólaáhugi kraumað undirniðri í mörg ár.  Og í öðru lagi þá kostar Harley Davidson óheyrilega mikla peninga.

Þá spara ég bara.  Einfaldasta hagfræði heimilanna er að vera ekki að sperra sig við að kaupa það dýrasta ef ódýrari hlutur er ekki síðri.  Ég tel mér allavegana trú um að Honda Shadow 750csé mér full boðlegt og muni henta mér vel á allan hátt.  Þar að auki er ótrúlega mikill verðmunur á Harley og Hondu.  Ég kem til með að spara hundruð þúsunda króna við það eitt að kaupa Hondu, í stað Harley.

Þannig lagið ég dæmið upp fyrir mína.  Ég er enn að spá í hvað fór úrskeiðis hjá mér.

 

Haraldur Davíðsson

Við Kristín stússuðumst í dag, gerum það oft á laugardögum.  Búðarstúss eins og gengur og gerist á laugardögum hjá fólki.  Við enduðum daginn á að kíkja í verslunina Mótors, en þar er grípandi útsala fram á miðvikudag.  Öll hjól á afslætti í tilefni haustsins.

Ég sprændi næstum í brók, bara við það eitt að koma inní búðina.  Hver gullmolinn á fætur öðrum sem varð til þess að ég stóðst ekki mátið og smellti mér á bakið á Haraldi Davíðssyni.  Fílaði mig alveg í tætlur. 

Næsta mál á dagskrá er leður. 

Meirihlutinn sprakk

Hjúkk... búið að redda efni fyrir næstu Spaugstofu.