Í vaskinn með hann

Einn leiðinlegasti dónaskapur sem ég veit um er þegar gripið er fram í fyrir öðrum.   Það finnst mér ömurlegt.  Þeir og þær sem þetta gera skortir töluvert upp á að kunna almenna mannasiði.  Ég þekki nokkuð af fólki sem þetta gerir.  Og mér leiðist að tala við það.  Hægt og rólega læt ég mig hverfa þegar þau byrja.  Enda í hvert skipti sem maður ætlar að tjá sig eitthvað er gripið fram í fyrir manni.

--oo--

Eins áttaviltur í pólitík og ég er, er ég þó búinn að ákveða að kjósa ekki Frjálslyndaflokkinn.  Margar ástæður liggja þar að baki.  Ein af þeim er sandkassaleikurinn sem þar er stundaður:

Nonni Magg kemur og spyr hvort strákarnir vilji nú ekki vera memm.  Hann ætti fullt af vinum sem myndu líka vilja vera memm og koma að leika.  En hann vildi sko ekkert leika við stelpur, og þess Magga væri bara leiðinleg og ekkert gaman að hafa hana með.  Hún væri svo mikil frekja.  Ef þeir myndu reka hana úr hópnum myndi hann gefa öllum strákunum nammi og svo myndu þeir fara í alvöru strákaleiki.  Addi Kitta Gau er sko alveg til í að vera memm með svona töffara eins og Nonni Magg er.  Hann segir Möggu að hann sé hættur að vera vinur hennar og hann vilji ekki leika meira við hana.  Hún væri bara ekkert skemmtileg lengur og pabbi hennar væri leiðinlegur líka.  

Þetta er einfalda útgáfan.  Guðjón, formaður flokksins, var ekki fagmannlegur í Kastljósinu í kvöld.  Hann var æstur og frekur.  Það var ekki sjón að sjá hann eða heyra í honum.  Svörin sem hann gaf voru oftar en ekki út úr kú, og æsingurinn mikill.  Mér blöskraði.  Ég held að hann hefi ekki unnið sér inn nein prik hjá þeim sem voru að hugsa um að kjósa Frjálslynda.  Hólíkrapp.

--oo--

Ég er enn í uppreisn og heilögu stríði gegn KFC.  Endilega skellið logóinu inn á síðuna ykkar.  Þið fáið ekkert borgað fyrir það - en málefnið er gott.  Hér er linkurinn í lógóið.

Athugasemdir

[Snæþór (IP-tala skráð) 5.12.2006 kl. 10:06]

Hvað er að þér?  KFC twisterarnir eru algjör snilld! Hættu þessum KFC níð nú þegar eða ég lumbra á þér með Draumalandinu!

[Heiðar Birnir, 5.12.2006 kl. 10:30]

eehemm. ummm. jammm. mmmm. ehmm. 
jammm.  freh.  nei.

[Heiðar Birnir, 5.12.2006 kl. 10:30]

eehemm. ummm. jammm. mmmm. ehmm. 
jammm.  freh.  nei.

[Heiðar Birnir, 5.12.2006 kl. 10:30]

eehemm. ummm. jammm. mmmm. ehmm. 
jammm.  freh.  nei.

[Heiðar Birnir, 5.12.2006 kl. 10:40]

Vá ég er greinilega eitthvað æstur yfir þessu hjá þér.....

[Ingþór (IP-tala skráð) 5.12.2006 kl. 15:29]

Ég sakna KFC en ekki stjórnmála-rugls.
Ég verð svo æstur þegar að ég fer að velta mér upp úr pólítík að það fer mér hreinlega ekki vel.

Kv. Ingþór