Lífið er fallegt

Þetta er búið að vera dásamlegt frí.  Við buðum þeim Tobbu og Gísla í mat til okkar á skírdag.  Eldað gæsabringur sem við gæddum okkur á og supum á ágætis vínum með.  Sátum svo frameftir öllu og kjöftuðum.  Áttum góða kvöldstund saman. 

í gær átti bestibróðir í heimi afmæli, hann var bara svo upptekinn með börnunum að ég gat ekkert trubblað hann, lét duga símtal. 

Við vorum vöknuð klukkan átta í morgun, enda ekki hægt að sofa þegar sólin vekur mann með kossi.  Tókum okkur til og gerðum skurk í sameigninni, þvoðum glugga og fleira.  Ég þreif svo bílinn seinnipartinn.  Hann þarf nú samt að fá hjá okkur góða meðferð.  Svona allsherjarvorhreingerningu.

Páskalamb á morgun hjá mömmu.  

Life is beautiful.

 

 

 Hlynur Kristjánsson - afmælisbarn