Brjósklos

Ég fékk úr því skorið í morgun að ég er með myndarlegt brjósklos milli fjórða og fimmta hryggjaliðs, hægra megin.  Eirík, sjúkraþjálfara, leist ekkert á þetta þannig að ég leggst undir hnífinn (eða hvaða græjur verða notaðar) vonandi sem fyrst.  Síðustu daga hef ég innbyrgt svo mikið magn af verkja- og slakandi lyfja að ég held að líkamanum hljóti að þykja nóg um.  En þrátt fyrir það finnst mér þau lítið slá á verkina.

Ég er búinn að vera frá vinnu þessa viku og það lítur nú ekki út fyrir að ég komist í vinnu alveg á næstunni, þó svo maður voni það allra besta.  Ég er svo heppinn að vinna með frábæru fólki sem  brettir bara hærra upp og gengur í hlutina.  

Einhvern tíma sungu þeir Helgi Björns og félagar um hvort pabbar gætu ekki grátið.  Jú, ég held að þeir geti það, þótt þeir reyni að láta lítið bera á því. 

 

Athugasemdir

[Sigurður Sigurbjörnsson (IP-tala skráð) 20.9.2008 kl. 09:28]

Sæll Heiðar

Það er leiðinleg að heyra, en gott að það sé komin greining hjá þér á hvað er að gera út á við þig. Sendi baráttu kveðju til þín Heiðar og megi heilsan komast í lag sem fyrst hjá þér. Það var eins og einn vinnufélagi okkar sagði við mig þegar hann veiktist alvarlega, (Siggi þetta er einn leikurinn í viðbót sem ég þarf að vinna) hann var og er mikill íþróttarmaður. Ég efast ekki að það sé sama hugarfar hjá þér og þú verðir kominn á hjólið áður enn langt um líður.

mbk

Siggi

[Heiðar Birnir, 20.9.2008 kl. 18:52]

Takk fyrir þetta. Nú er bara að bretta upp ermar og skálmar og taka á þessu.

[Ingþór (IP-tala skráð) 21.9.2008 kl. 12:28]

Bin there, done that. Gangi þér vel