Brottnamið úr kvennabúrinu

Stundum er bókstaflega hægt að gleyma sér við að hlusta á útvarpið, Rás 1.  Ég átti slíka stund nú í kvöld er ég hlustaði á uppfærslu Metropolitan óperunnar í New York á Brottnáminu úr kvennabúrinu eftir W. A. Mozart, í beinni útsendingu.  Vissulega er maður ekki óhlutdrægur, okkar maður, Kristinn Sigmundsson, fór með eitt aðalhlutverkanna,  hann skilað því með miklum sóma.  Ég hefði svo sannarlega viljað vera á svæðinu og upplifa stemninguna, fá hana beint í æð.  

Ég hef ekki þekkingu á sígildri tónlist, en nýt þess að hlusta á það sem gleður eyrað.  Uppfærslan í kvöld gerði það svo sannarlega.  Húmorinn skein einhvernvegin í gegn og fékk maður það á tilfinninguna að  maður væri á staðnum.

Athugasemdir

[Arnlaugur Helgason, 5.5.2008 kl. 12:34]

Að hlusta og horfa á óperur er eitthvað það skemmtilegasta sem ég geri enda missi ég aldrei af neinni óperu hér heima. Stórkostlegasta stundin mín var þó þegar við vorum saman í NY og fór á uppáhalds óperuna mína,  Aidu í Metropolitan. Þú þarft bara að vera duglegri að koma þér af stað og upplifa klassíska tónlist live. Það er alltaf eitthvað um að vera alls staðar.

Chiao,

Addi.