Hjólað í vinnuna

Ég tók hjólið fram um síðustu helgi.  Pumpaði í dekkin, smurði keðjuna og ditten og datten.  Á mánudagsmorgun var svo brunað úr Hafnarfirðinum í vinnuna.  Ef ég man rétt þá eru þetta eitthvað um 11-12 kílómetrar.  Sem er bara temmilegt til að koma sér í gang á morgnanna og ekki er síðra að hjóla heim seinnipartinn og "hjóla vinnuna úr sér".  Ég viðurkenni að þetta tók dálítið á.

Ég bið bæjaryfirvöld í Hafnarfirði, Garðabæ, Kópavogi og Reykjavík að hraða sópgræjunum í gang því á köflum eru gangstéttarnar og hjólastígarnir eitt glerbrotahaf.  Og þó maður sé þokkalega dekkjaður þá þarf ekki mikið til að það springi hjá manni.   

Hjólað i vinnuna.

Athugasemdir

[Guðbjörg (IP-tala skráð) 16.4.2008 kl. 11:17]

Mér finnst þú algjör hetja !!   Þetta er hlutur sem ég myndi held ég örugglega aldrei leggja á mig :)