Danskar nautalundir og Argentískt rauðvín

Í dag ákváðum við að gera pínu vel við okkur i mat, danskar nautalundir urðu fyrir valinu.  Eldaði þær á einfaldasta mátann, steiktar í smjöri á pönnu.  Bornar fram með góðu salati, kartöflum og feitinni.  Drukkum með þessu Norton Reserva Malbec, ljúfur bolti.  Það þarf ekki mikið til að slá upp eðalveislu.

Júróvísíon núna í kassanum.  Hlusta á það með öðru eyranu, margt annað sem heillar.  Var að að spá í gríninu hjá Barða.  Held að snillingurinn sá sé bara nokkuð ánægður með sig, hann er allavegana búinn að gera grín að öllu og öllum með laginu hei sei blablabla.  Vona allavegana að það verði ekki valið til útfluttnings...  

Athugasemdir

[Hugarfluga, 23.2.2008 kl. 21:12]

Vorum einmitt líka að enda við að sporðrenna danskri nautalund með púrtvínssósu. Reyndar varð ítalskt vín fyrir valinu.

Og varðandi lagið hans Barða; þá virðist því miður allt stefna í að það verði fyrir valinu. Heyrðirðu að söngkonan og sér í lagi bakraddarsöngkonan rammfalskar í kvöld? Þvílíkur horror.

Og p.s. Ég er kollegi þinn úr "bransanum" ... gaman að því!

[Heiðar Birnir, 23.2.2008 kl. 21:46]

"Bransinn", nú er ég forvitinn.  Gaman að því.

[Hulla Dan, 24.2.2008 kl. 16:51]

Ég elska nautakjöt og rauðvín.
Það er ekki ósjaldan á borðum hér...

Kveðja frá dk

[Húsmóðir, 24.2.2008 kl. 21:32]

Við vorum örlítið þjóðlegri hérna meginn - íslenskt lamba "prime" sem eiginmaðurinn skellti á grillið og svo páskabjór frá Egils !    Annars finnst mér rauðvín mun betra en nautakjöt !