Af bloggi

Trendið í sumar hjá ofurbloggurum var að tilkynna að þeir væru nú í sumarfríi og því myndu þeir ekki blogga neitt næstu dagana, vikurnar eða jafnvel mánuðinn.  Þetta var náttúrulega algjörlega nauðsynlegt fyrir sauðsvartan pöpulinn sem fylgist með sínum ídólum, bíðandi eftir gullmolum sem sáldrast, líkt og úr viskubrunni heimspekinganna.  Mér sýnist stefna í það að nýjasta trendið sé að læsa blogginu sínu.  Erótíski rithöfundurinn Ellý Ármannsdóttir tók upp á því, eftir að hafa gengið fram af siðvöndum lesendum sem slysuðust inn á síðuna hennar.  Þegar ein belja mígur má búast við að þær geri það allar.

Þá er ekki annað hægt en að pæla í því hvers vegna fólk er að halda úti bloggsíðu.  Ég hef haldið að blogg væri opin dagbók, þar sem bloggarar tjá sig um allt og ekkert.  Annað hvort stendur maður við það sem maður skrifar eða sleppir því bara að birta það.

Æ...maður á það til að vera svo mikill tuðari.  Auðvitað má fólk hafa þetta eins og það vill.

Athugasemdir

[hlynur (IP-tala skráð) 15.9.2007 kl. 13:52]

Hvernig er það, ertu allveg hættur að skrifa. þú mátt ekki láta þessa blessuðu aukavinnu stjórna öllu, ha. þú ert nú samt að standa þig vel í henni, og spurning hvort þú komir ekki bara alveg yfir???