Ofurfallegt sumar

Þá styttist í N1 mótið.  Við komum til með að bruna norður næsta fimmtudag.  Máni fer með rútu ásamt liðunum á degi fyrr.  Spenningurinn eykst hægt en örugglega.  Enda ekki nema von.  Þetta er hápunktur sumarsins,  fótboltalega að minnsta kosti.

Við vorum sérlega heppinn í gær.  Gísli og Tobba buðu okkur í mat og sjálfum Rúdolf var skellt á grillið.  Mikið lifandi, skelfing og óskaplega var hann góður.  Það munaði minnstu að ég æti á mig gat.  Hélt þó í við mig.  Svona fyrir kurteisissakir.  En það munaði ekki miklu.

Ljúf helgi framundan.  Skildi þó ekki vera að maður að eitthvað yrði lagt undir fót.