Pælingar á pælingar ofan

Ég kom við í Bónus á leiðinni heim í dag.  Verslaði sitt lítið af hverju, svona eins og vera ber.  Í biðröðinni við kassann gerir maður lítið annað en að horfa í kring um sig, og líta yfir forsíður blaðanna sem eru þar til sölu.  Mér til mikillar gleði sá ég frama á Séð og heyrt að tveir sölumenn á fasteignasölu eru skotin í hvort öðru.  Mikið svakalega held ég að öllum sé létt.  Þetta er örugglega forsíðufrétt ársins.

Ég hef örlítið velt því fyrir mér hvað verður um sum mál sem skjóta upp kollinum og verða að hitamáli í einhvern tíma en hjaðna svo niður og gleymast.  Heimsókn persónuverndar til Alcan í aðdraganda kosninganna um álverið, hvað kom út úr því.  Kæra Jónínu Bjartmars, Helga Seljan til blaðamannafélagsins, hver varð niðurstaðan úr því.  Byrgið og skandallinn þar.  Þetta eru bara nokkur mál sem mikið var látið með í fjölmiðlum, en svo bara púfff.... áhuginn enginn.  Allt búið.

Athugasemdir

[Birgitta (IP-tala skráð) 14.6.2007 kl. 22:29]

Góð pæling !  Það spunnust upp umræður um svipað efni á kaffistofunni um daginn varðandi tímarit sem er prentað á mun þykkari pappír en Séð og Heyrt ( og kostar mun meira )  Vinnufélaginn sagðist vera löngu hættur að kaupa tímarit - borga fúlgur fjár til að komast að því að Ingu Lind þætti vatn besti drykkur í heimi og hvaða tegund af varalit væri í snyrtibuddunni hennar ElluBellu sem vinnur í tískubúðinni Bellellu , eða eitthvað álíka  merkilegt og ástarævintýri sölumanna. 

Hvort eru lesendur ( oft konur ) svona grunnar eða blaðamennskan svona léleg ?

[Heiðar Birnir, 16.6.2007 kl. 23:22]

Á meðan Mikael Torfason ritstýrir og Eiríkur Jónsson er blaðamaður á S&H, þá held ég að við við getum einfaldlega skellt skuldinni á blaðamennskuna. 

Nú er ég ekki fróður um tímarit eða blaðamenn þeirra, en ég þekki náttúrulega fullt af fólki.  Ég vil meina það að fólk er mun betur gefið en þetta rusl sem boðið er upp á, en ég veit ekki af hverju það er keypt. 

Ég skal líka viðurkenna að forsíður með krassandi fyrirsögnum um eitthvað svínarí eða vitleysu kveikir ákveðna þrá eftir að vita meira... hmmmm.  nú er hann að verð a djúpur.